Isunak

Lehiaren Defentsari buruzko Legean xedatutako arau-hausteak ondoko eran zehatuko dira:

1. Arau-hauste arinen kasuan, araua hautsi duen enpresak isuna jarri zaion ekitaldiaren aurrekoan guztira izan zuen negozio-bolumenaren ehuneko 1era arteko isuna.
2. Arau-hauste larrien kasuan, araua hautsi duen enpresak isuna jarri zaion ekitaldiaren aurrekoan guztira izan zuen negozio-bolumenaren ehuneko 5era arteko isuna.
3. Arau-hauste oso larrien kasuan, araua hautsi duen enpresak isuna jarri zaion ekitaldiaren aurrekoan guztira izan zuen negozio-bolumenaren ehuneko 10era arteko isuna.

Aurreko isunez gainera, arau-hauslea pertsona juridiko bat den kasuetan, legezko ordezkari bakoitzari edo akordio edo erabakian esku hartu duten zuzendaritza-organoetako kide bakoitzari 60.000 eurora arteko isuna ere jartzeko aukera egongo da. Hala ere, ez zaie isunik jarriko kide anitzeko administrazio-organotakoak izanik ere bileretan parte hartu ez dutenei, edo kontra bozkatu dutenei edo beren botoa babestu dutenei.

Enpresa arau-hauslearen negozio-bolumena zenbatekoa den zehazterik ez baldin badago, Lehiaren Defentsari buruzko Legean xedatutako arau-hausteek ondorengo zehapenak izango dituzte:

1. Arau-hauste arinek 100.000 eurotik 500.000 eurora arteko isuna.
2. Arau-hauste larriek 500.001 eurotik 10 milioi eurora arteko isuna.
3. Arau-hauste oso larriek 10 milioi eurotik gorako isuna.