Lehiaren aurkako praktika bat egin dela egiaztatuta, administrazio publikoak erreakzionatu egin beharko du. Horretarako, aukera posibleen artean, bidegabe jasandako kaltea ordaintzeko biderik egokiena aukeratu beharko du. Are gehiago, arau-haustea egin baino lehen, kontratazio-organoak kontratazio-prozeduraren pleguetan sar ditzake lizitatzaileak kolusioa uxatzeko aurreikuspenak.

Beraz, erreklamazio judizialaren bide alternatiboak —edo osagarriak— aztertu nahi dira, ogasun publikoa arau-haustea egin aurreko egoerara itzultzeko.

Gainera, lehia-agintaritzek ere zeregin nagusia dute bide alternatiboen azterketa horretan; izan ere, kasu jakin batzuetan, ebazpenean eragindako efektuak kentzeko agindu bat sartu ahal izango dute, arau-hausleak eraginkor eginez gero, beste edozein erreklamazio ez bailitzateke beharrezkoa izango.

Oinarri teoriko horren gainean, Lehiaren Euskal Agintaritzak (LEA/AVC) dokumentu bat egin du, eta jendaurrean jarri du. LEA/AVCk ekarpenak jaso nahi ditu, administrazio publikoak lehiaren arloko arau-hauste baten ondoriozko kalteak erreklamatzeko dituen bideak aztertzen eta baloratzen aurrera egin ahal izateko.

Ekarpenak esteka honetan dagoen inprimakia betez egin daitezke.

Ekarpenak aurkezteko epea 2025eko uztailaren 21etik 2025eko irailaren 15era bitartekoa da, biak barne.